Manuol Sardina, nome mirandés de l abade de Samartino de Angueira, Manuel Joaquim Sardinha, fui un grande poeta mirandés de l seclo XIX, colaborador de A Folha de João Penha i de outras rebistas de l tiempo, eiqui cul pseudónimo de Manuel Sardenha. Un die destes publicaremos la sue obra, yá que faç astanho 100 anhos que se morriu.
Eiqui deixo un cacho dua carta que le screbiu a José Leite de Vasconcelos an outubre de 1884 i que nun percisa de comentairos ou apersentaçones para alhá deilha mesma:
... You mesmo, que sei bien este dialeto, solo agora, grácias al buosso bun eisemplo, i tamien al bun gusto que m’apeguestes, ampeço a çcubrir filones d’ouro nesta antressantíssima lhéngua, que se ten cunserbado stacionária, cumo las gentes senzielhas que la fálan, Dius sabe quantos seclos haberá yá. I todo esto debemos nosoutros, los anfelizes mirandeses, a los gobernos paternales de l rei nuosso sinhor, que siempre nos há çpreziado i a los sábios nun menos paternales de las nuossas academias, que nin sequiera sáben de la eisisténcia de tal mina, esto ye, de tal lhéngua. Bergonha aterna a todos eilhes!...
Sem comentários:
Enviar um comentário