21 dezembro 2010

Natal



É mais um Natal de chamas
alimentadas por três velhos carvalhos
cruamente abatidos para limpar a terra
ao conforto do cereal. Como se entre
os carvalhos e os trigos crepitasse
um eterno conflito pela compita do espaço.

Arde pois o Natal sobre o corpo
de três carvalhos tombados, na verdade
arde este dia a que eu e os meus
chamamos Natal. Olho o horizonte
e o chumbo pesa, o frio embranquece
as árvores como noutro dia qualquer.

Mas deverá mesmo ser Natal, pressinto-o
por uma circunspecção de gestos, o lento
deslizar das mãos sobre o pêlo dos cães
que dormem com seus focinhos farejando
o fogo, mesmo em sono profundo.

Escrevo esta atmosfera, o lanho rigoroso
do Inverno. Podem chamar-lhe poema,
relâmpago ou nesga de abismo. Ou
simplesmente o respirar desta combustão.

O último Natal talvez seja a sílaba
que nos há-de calar o verso final.

Fernando de Castro Branco [inédito]
 .
 .
 .
 .
[an mirandés:

Ye mais un Natal de chamas
mantenidas por trés bielhos carbalhos
crudamente botados abaixo para lhimpar la tierra
al cunfuorto de l pan. Cumo se antre
ls carbalhos i ls panes bruasse
un eiterno cunflito an zafio pul campo.

Arde antoce l Natal ne l cuorpo
de trés pedamarros caídos, bendo bien
arde este die a que you i ls mius
le chamamos Natal. Miro l hourizonte
i l chombo pesa, l friu sbranqueinha
las arbles cumo noutro die qualquiera.

Mas deberá de ser mesmo Natal, persinto-lo
por un acoutelar de ls géstios, l debagaroso
sgubiar de las manos subre l pelo de ls perros
que drúmen cun sous çofinos fariando
l fuogo, inda que an suonho fondo.

Scribo este aire, la brecha rigorosa
de l eimbierno. Podeis chamar-le poema,
relhistro ou raça de abismo. Ou
solo l resfuolgo deste lhume.

L redadeiro Natal talbeç seia la sílaba
que mos ha de calhar l berso redadeiro.]

puosto an mirandés por Fracisco Niebro


 


Sem comentários: